اختصارات حرفيا هيغيروا استخدامك للـ VS Code

1. Ctrl + Shift + \

الاختصار دا لو انت واقف على فاتحة قوس هياخدك للقفلة بتاعته وطبعا دا مفيد جدا في حالة الـ Nesting

2. Ctrl+] / [

الاختصار دا هينسيك الـ Tab لو عايز تعمل Indent للسطر او تلغيه من أي مكان في السطر فدا الحل بدل بقا ما تروح لأول السطر عشان تعمل تاب أو شيفت تاب

3. Ctrl + G

هو انت لسه هتعمل سكرول للسطر اللي انت عايزه؟ يعمل اعمل الاختصار دا واكتب رقم السطر على طول ودوس انتر

4. Ctrl + P

هو انت بردو لسه هتقعد تدور على الملف اللي عايز تفتحه يعم بردو اعمل الاختصار دا واكتب اسمه على طول

5. Ctrl + D

الاختصار دا مهم جدا بيعملك تحديد لأول ما يطابق الكلمة اللي انت واقف عندها او الجزء اللي انت محدده وكل ما تضغط كل ما يحدد وبالتالي مثلا تقدر تغيرهم كلهم مرة واحدة

6. Ctrl + Shift + L

دا زي اللي قبله بس دا بقا بيحدد كل النتايج للجزء اللي انت محدده مرة واحدة يعني لو عايز تغير اسم variable مثلا وانت مستخدمه اكتر من مرة فدا منقذك

7. Ctrl+F2

دا بردو زي اللي قبله بس دا للكلمة اللي انت واقف عندها مش تحديد

8. Alt + ↑ / ↓

الاختصار دا يحركلك السطر اللي واقف عليه سطر فوق او سطر تحت

9. Shift + Alt + ↓ / ↑

الاختصار دا بيعملك نسخة من السطر اللي واقف عليه فوقه او تحته

10. Ctrl + Enter

الاختصار دا بيعملك سطر جديد تحت السطر اللي انت واقف عليه

11. F12

لو عندك function او class او اي حاجة ومستخدمه مثلا في مكان معين وعايز ترجعله على طول تعدل فيه اعمل بس الاختصار دا وهو هيوديك ع المكان اللي عرفت فيه الـ function ولو العكس هيجبلك انت مستخدم الـ function دي فين

12. Ctrl + Shift + `

هيفتحلك نافذة تيرمينال جديدة

13. Ctrl + B

هيظهر او يخفي الـ side bar

14. F3 / Shift+F3

هيعمل بحث سريع ع الكلمة اللي انت عندها ويجيبلك النتايج قبلها او بعدها

15. Ctrl+ L

بيحدد السطر اللي انت واقف عنده